شأكلك والسوالف نايمه من سنين
ولسان الصدك مايكدر ايعبر
شأكلك والكحل خاصم رموش العين
يكحلهه الحزن ودموعهه اتعثر
حطيت العمر شجرة لمصد الريح
خاف يمر غبار وزرعك ايغبر
اذا عن التعب ما تتعب الآهات
حسبت الصبر بعيونك ايغزر
ردت فدنوب أئيس عودك انته رماد
كمت ازرع رمادك بلكت ايخضر
دخل اخذ نفس ما احزن من تروح
كطرة او من بحر لتصدك اتأثر
ترة الينصب شبج ميحصل من الريح
ولا حسبة حلم وبكيفك اتفسر
ولا اقنع تكلي الحسبة حسبة ثار
بعد بينة بخت وايمامنه ايشور
شكلك والسلف كله ابهذاك الصوب
والمعيبر غرك مايكدر ايعبر
اليكتلة العطش لتكلة عوف الماي
واليدوس اعله الجمر لتكله لاتطفر
كبلك دورت لحد ما خويت الراس
ما تلكه صدك ما تلكه لاتدور