جيتك معتني يلي وفيت وياي
جدم ينكَل جدم والناس مشايه
جيتك معتني والدمع يذرف ليك
اوسيفي بالجتف ومعلكَ الرايه
مابيه قصد ماخذني بس الشوك
ولاحامل مقاصد لاشلت غــايه
غرامي دولباني بيك يابو الزود
افوجن بحر حبك واردس بمايه
عشتك من زغر وانه ابن 5 سنين
أطبر وانتحب والعــين بجـــــــايه
جيتك معتني و مــــاريد مدة أيد
أريدنه الضريح محاضن ويايه
انه مرتجي وارجوك ترضه بهاي
أتغسلني بدماك ذنوبي هــــــوايه
سويـت الذنوب جبال فوكَ جبال
حمل محملي وسواهه الف ثايه
اي يبن الزجيه شلون صارالراي
راضي عن مناضل ماكو كل سايه
لوجيب السبع واتعنه عد رجليك
وابجي بكل غضب يم المسنايه
أنده جفه الايمن والزم الشباج
يـــا كافل الحره معتني أعنايه
احسك من تشوفه مكطع الجفين
تطكَ روحك دمع وتكوم هلايه
هلا ابن امي عفيت لخاطر الجفين
احس سهمك جزه وبعيوني سلايه
ونيت بفرح ودموعي صبت شوك
يهذا المرتجى وحصلت كل غايه
