ترف ياللي بطريق الهجر ماشيت
عجب بجفاك عني العقل ماشيت
عاندني وتدلل وأخذ ماشيت
بس لا تبخل بوصلك عليه
@
بوجهي التراب وكمت عناي
ألك ياللي كطعت الوصل عناي
أفز فزة حيايه البيد عناي
بحلم لو مر صدى صوتك عليه
@
مالوم النفس لوحنت ولاعت
على اللي هامت بحبهم ولاعت
مسايرلانفع بيهم ولاعت
اتحدوارايهم واعملوابيه
@
لذيذ العيش الي والزاد ماطاب.
وجرحي الجنت اظنه يطيب مطاب
يكلولي شعجب للسوك ماطاب .
كلت مزروع بدربه شوج اليه
@
روحي إوياك ماأگطع وصلها
وأفرح لو خبر منك وصلها
الخوه إوياك معناها واصلها
يظل رغم البعد نبع الخويه
روحي فراك خلاني عسلهه
سموم أوحنظل بريجي عسلهه
أناس ألبعدتك عني عسلهه
قلق دايم ولاترتاح هيه
@
اموت بطاري حبك واصطلب بيك!
وانه الكظيت عمري وسط لبك!
الف لبيك اصيحن وسط لبيك!
ولالبيك انته ترد عليه
